في الغربة زاد عمق حبك ياوطن ..
وزاد في قلوبنا نبض الحنين ..
في الغربة اشتهينا غبارك .. وحرك ..
اشتهينا زينك .. و كل ما كنا بجهل نحسبه شينك ..
اشتهينا كل ماكنا فيك نحب ... ونعشق .. ونهيم ..
اشتهينا كل ماكنا فيك ننتقد .. ونعيب ..
في الغربة مالقينا لك ند .. ولا مثيل ..
أقولها وأنا صادقة في حروف العبارة ..
من طلع من داره .. حس زود بقيمة داره ..
في الغربة ما عرفنا طعم الراحة ولا الأمان ..
إلا لذكرنا إنا لك يا وطن بكره راجعين ..
يا وطن تراك بعيوننا نظر..
وفي قلوبنا نبض ..
وفي أنفاسنا عطر ..
وكل يوم حبك يزيد ..
ياوطن حنا جنودك ..
بس أشر وحنا خيول نركض نجيك ..
ياوطن مالنا غير ترابك حضن الدفئ ...
ومالنا غير سماءك سقف الأمان ..
ربي يحفظك عامر بالبيتين العظام ..
قبلة الإسلام .. وموطن سيد الأنام ..
يا درة الأوطان .. وأرض الرسالة والسلام ..
ربي يحفظك من كيد الحاسدين ..
ربي يحفظك من شر العابثين ..
ربي يحفظك من فكر الخائنين ..
ربي يحفظك لنا .. ويحفظ لنا تاج رأسنا سلمان ..
ويحفظ لنا كل جنوده الأبطال ..البواسل .. الكرام ..
ويحفظ لنا كل من وطى في أرضك بعينه اللي ماتنام ..
ليست هناك تعليقات:
إرسال تعليق